“Messi heç bir oyunçu ilə müqayisə oluna bilməz, o, xüsusidir”

“İnter Mayami”nin kommersiya direktoru Xavier Asensi PSJ-nin hücumçusu Lionel Messinin kluba mümkün transferindən danışıb.

Komanda.az “Mundo Deportivo”-ya istinadən xəbər verir ki, MLS klubunun rəsmisi, Messinin bütün zamanların ən yaxşı futbolçusu olduğunu deyib:

“Messi kimi oyunçularla müqavilə imzalayardıq? Bəli, bəzi şərtlərlə. Messi heç bir oyunçu ilə müqayisə oluna bilməz, o, xüsusidir.

Biz ABŞ-da futbol üçün etalon olmağı hədəfləyirik. Bunun üçün bizə ən yaxşı futbolçular lazımdır və onlara sahib olmaq bu klubun əsas məqsədidir.

Biz dünyanın ən yaxşı oyunçularına sahib olmaq istəyirik və məncə, Messi bütün zamanların ən yaxşısıdır”.

Bizi Telegramda izləyin