“Messi futbolun mənə hədiyyəsidir” – Neymar

PSJ-nin hücumçusu Neymar Lionel Messinin “İnter Mayami”yə keçidi haqda danışıb.

Komanda.az xarici KİV-ə istinadən xəbər verir ki, braziliyalı futbolçu, Messinin ABŞ-a gedəcəyini əvvəlcədən bildiyini deyib:

“Əvvəldən bu haqda məlumatım vardı. O, mənim ən yaxşı dostlarımdan biridir. Messi futbolun mənə hədiyyəsidir. Öncə onunla oynamaq, sonra isə dostlaşmaq imkanım oldu.

Lionelin ABŞ-a getməsi barədə əvvəldən danışmışdıq. Orada yaşayacağına və oynayacağına görə xoşbəxt olduğunu bildirmişdi. Messi ABŞ çempionatında müsbət dəyişikliklər edəcək, əminəm. Məncə, MLS daha da məşhurlaşacaq.

Hər kəs onun oyun üslubundan həzz almalıdır. Təəssüf ki, heç bir şey əbədi deyil. Onun PSJ-dən ayrılması mənim üçün çox çətin oldu”.

Xatırladaq ki, Messi iyunun 7-də “İnter Mayami”yə keçdiyini elan edib.