Messi ESPY tərəfindən ilin oyunçusu seçilib

“İnter Mayami”nin və Argentina millisinin hücumçusu Lionel Messi ESPY (İdman Performansı üzrə Mükəmməl İllik Mükafat) tərəfindən ilin oyunçusu seçilib.

Komanda.az xəbər verir ki, Messi 2022-ci ildə Argentina millisi ilə karyerasında ilk dəfə dünya çempionu olub. O, bu yay PSJ-dən “İnter Mayami”yə azad agent kimi keçib. 36 yaşlı futbolçunun təqdimat mərasimi iyulun 16-da baş tutacaq. Bu tədbir üçün bütün biletlər artıq satılıb.

Messi ötən mövsüm PSJ-nin heyətində 41 oyuna çıxıb, 21 qol vurub və 20 məhsuldar ötürmə verib.