Mbappe “Real”la uzunmüddətli müqavilə imzalayacaq

“Real” PSJ ilə hücumçu Kilian Mbappenin transferi ilə bağlı razılıq əldə edib.

Komanda.az “goal.com”-a istinadən xəbər verir ki, 24 yaşlı forvardın qarşıdakı saatlarda İspaniya klubu ilə uzunmüddətli müqavilə imzalayacağı gözlənilir.

Parislilər 2023/24 mövsümünün sonunda azad agent statusu qazanacaq oyunçunun satışından gəlir əldə etmək məqsədilə keçidə razılıq veriblər. Mbappenin Fransa təmsilçisi ilə sözləşməsi 2024-cü ilin yayına qədərdir.

Kilian 2017-ci ilin avqustundan Liqa 1 klubunda forma geyinir. O, 2022/23 mövsümündə bütün turnirlər daxil olmaqla 43 oyuna çıxıb, 41 qol vurub və 10 məhsuldar ötürmə edib.

PSJ Mbappeni Yaponiyada baş tutan mövsümöncəsi yoldaşlıq turnirinə aparmamışdı.