Mbappe PSJ ilə müqaviləni yeniləyib

Fransalı hücumçu Kilian Mbappe PSJ ilə sözləşməsini 2026-cı ilə qədər uzadıb.

Komanda.az xarici KİV-ə istinadən xəbər verir ki, yeni müqaviləyə əsasən, o, sərfəli təklif alarsa, 2024-cü ilin yayında paytaxt təmsilçisini tərk edə biləcək.

Öncədən PSJ-nin 24 yaşlı forvarda ultimatum verdiyi və klubla müqaviləni yeniləməyəcəyi halda, 2023/24 mövsümündə oynamağa icazə verilməyəcəyi haqda xəbər yayılmışdı.

Avqustun 13-də isə Mbappenin komanda ilə məşqlərə qayıtdığı deyilmişdi.

PSJ Mbappeni 2017-ci ilin avqustunda “Monako”dan icarəyə götürüb və bir il sonra futbolçunu 180 milyon avroya alıb. O, 2022/23 mövsümündə PSJ-nin heyətində bütün yarışlarda 43 matçda 41 qol vurub və 10 məhsuldar ötürmə edib.