Mbappe PSJ-də qalır?

PSJ rəhbərliyi komandanın hücumçusu Kilian Mbappenin klubda qalacağına tam əmindir.

Komanda.az xarici KİV-ə istinadən xəbər verir ki, PSJ rəhbərliyi arasında belə fikir Mbappenin klub prezidenti Nasser Əl-Xələfi ilə söhbətindən sonra yaranıb.

Parislilər transfer pəncərəsi bağlanana qədər, yaxın iki həftə ərzində “Real”ın hücumçu üçün təklif göndərməsini gözləmir.

24 yaşlı futbolçu bu mövsüm Fransa çempionatının bir oyununda bir qol vurmağı bacarıb. Onun parislilərlə müqaviləsi 2024-cü ilin iyun ayına qədərdir.