Mbappe kapitan olmaq istəyir?

PSJ-nin hücumçusu Kilian Mbappe parislilərin kapitanı olmaq istəyib-istəməməsi haqda danışıb.

Komanda.az Fransa mətbuatına istinadən xəbər verir ki, Mbappe, kapitanlıq sarğısının öz-özünə gəlməli olduğunu deyib:

“Kapitanlıq sarğısı haqqında düşünməməlisən, o öz-özünə gəlir. Bizdə əvvəllər kapitan kimi Tyaqo Silva var idi, Markinyos onun varisi oldu. Bu, təbii idi. Markinyos çox yaxşı kapitandır. Hətta Markinyosa belə suallar vermək bir növ hörmətsizlikdir, o, narahat ola bilər. O, PSJ-nin kapitanıdır”.

Mbappe bu mövsüm Liqa 1-də PSJ-nin heyətində 31 oyuna çıxıb, 22 qol vurub və 14 məhsuldar ötürmə edib.

Fransalı futbolçu bu yay “Real”a keçə bilər.