“İndi özümü fiziki cəhətdən əla hiss edirəm”

“Real”ın hücumçusu Kilian Mbappe İspaniya çempionatının 14-cü turunda “Leqanes” üzərində səfər qələbəsindən sonra açıqlama verib. Mbappenin bir qol vurduğu matçda “kral klubu” 3:0 hesabı ilə qalib gəlib.

Komanda.az “Marca”-ya istinadən xəbər verir ki, fransalı futbolçu indi özünü fiziki cəhətdən əla hiss edir:

“İndi özümü fiziki cəhətdən əla hiss edirəm.

Vinisius Junior ilə qarşılıqlı əlaqə? Bizim yaxşı münasibətimiz var. Eyni şeyi “Real”ın digər oyunçuları haqqında da deyə bilərəm. Biz çoxlu kuboklar qazanmaq niyyətindəyik”.

Mbappe Madrid klubunun sıralarına bu yay qoşulub. 25 yaşlı forvard iştirak etdiyi 12 matçda 7 qol vurub və 1 məhsuldar ötürmə verib.