Mbappedən gələcəyi ilə bağlı açıqlama

PSJ-nin hücumçusu Kilian Mbappe Fransa klubunda qalacağını açıqlayıb.

Komanda.az AS nəşrinə istinadən xəbər verir ki, o, Paris klubunda xoşbəxt olduğunu deyib:

“Bəli, mən PSJ-də qalıram. Klubla daha bir il müqaviləm var. Burada olduğum üçün xoşbəxtəm”.

Öncədən 24 yaşlı futbolçunun hazırkı müqaviləsinin 2024/25 mövsümünə qədər uzadılmasını istəmədiyi bildirilirdi. Bununla da, o, 2024-cü ildə azad agent statusu qazana bilər.

Mbappe 2022/23 mövsümündə PSJ-nin heyətində bütün turnirlər daxil olmaqla 42 oyuna çıxıb, 40 qol vurub və 10 məhsuldar ötürmə edib.