“Mane “Liverpul”un əfsanəsidir” – keçmiş futbolçu

“Liverpul”un keçmiş futbolçusu Cimi Karrager Sadio Manenin “Bayern”ə mümkün gedişini şərh edib.

Komanda.az İngiltərə mətbuatına istinadən xəbər verir ki, o, Maneni “Liverpul”un əfsanəsi adlandırıb:

“Liverpul”da bu dövrün ən sevimli oyunçusu Manedir. O, iddiasızdır, lakin çox təsirlidir, heç vaxt zədə almayıb. Çoxlu kubokları və qolları var. O, “Liverpul”un əfsanəsidir. Təşəkkürlər Sadio”.

“Bayern”in idman direktoru Hasan Salihamiciç Manenin transfer ediləcəyini təsdiqləyib.

Mane 2016-cı ilin iyulundan “Liverpul”da çıxış edir. Hücumçu 2021/22 mövsümündə komandanın heyətində 51 matçda 23 qol vurub və 5 məhsuldar ötürmə edib.