MY futbolçusunu itirib – Cəzaya görə

“Mançester Yunayted” yarımmüdafiəçisi Manuel Uqarteni itirib.

Komanda.az xarici KİV-ə istinadən xəbər verir ki, uruqvaylı futbolçuya həddən artıq xəbərdarlıq edildiyi üçün dekabrın 30-da baş tutacaq “Nyukasl”la matçda “qırmızı şeytanlar”a kömək edə bilməyəcək.

Uqarte cari Premyer Liqada 5-ci sarı vərəqəsini alıb. O, Premyer Liqanın 18-ci turunda “Vulverhempton”la matçda (0:2) vaxtı gecikdirdiyinə görə cəzalandırılıb.

23 yaşlı yarımmüdafiəçi Premyer Liqanın cari mövsümündə 13 oyun keçirib.

“Mançester Yunayted” ölkə çempionatının 18 turunun nəticələrinə əsasən 22 xalla turnir cədvəlinin 14-cü pilləsində qərarlaşıb.