Erik ten Haqa inamsızlıq yaranıb – Futbolçular arasında

“Mançester Yunayted”in futbolçularında komandanın baş məşqçisi Erik ten Haqın iş üsullarına şübhə artıb.

Komanda.az “Manchester Evening News” nəşrinə istinadən xəbər verir ki, futbolçular bir-birindən narazılıq nümayiş etdirməyə başlayıblar. Komandanın bəzi oyunçuları hesab edirlər ki, Ten Haq açıq şəkildə olmasa da, digərlərini tənqid edərkən, bəzi futbolçuları müdafiə etməyə meyllidir.

“Qırmızı şeytanlar” 2023/2024 mövsümünün ilk 15 matçından 8-də məğlub olub. “Mançester Yunayted” İngiltərə Premyer Liqasının 10 turundan sonra 15 xalla turnir cədvəlinin 8-ci pilləsində qərarlaşıb.