“Futbola nə zaman qayıdacağımız bilinmir” – Sulşer

“Mançester Yunayted”in baş məşqçisi Ole-Qunnar Sulşer koronavirus pandemiyası səbəbiylə futbola verilən fasilə haqda danışıb.

Komanda.az xəbər verir ki, klubun rəsmi saytına danışan norveçli mütəxəssis, ailəsiylə vaxt keçirdiyini deyib:

“Hər günümü ailəmlə birlikdə keçirirəm. Hər kəs kimi, mən də filmlər izləyirəm. Klubun işçiləri və futbolçularla çox ünsiyyətdə olmağa öyrəşmişəm. Ancaq indi vəziyyət fərqlidir. Artıq internet üzərindən əlaqə qurur, söhbətləşirik. Geri qayıdan zaman nələr edəcəyimizi bilirik. Ancaq elə bir qeyri-müəyyənlik var ki, futbola nə zaman qayıdacağımız bilinmir. Kimsə əminliklə bir tarix deyə bilməz”.