MS 18 yaşlı futbolçunu transfer etməyə hazırlaşır

“Palmeyras”ın müdafiəçisi Vitor Reis “Mançester Siti”nin transfer hədəfinə çevrilib.

Komanda.az xarici KİV-ə istinadən xəbər verir ki, “şəhərlilər” yaxın vaxtlarda 18 yaşlı futbolçu üçün Braziliya klubuna rəsmi təklif göndərməyi planlaşdırır.

“Mançester Siti” təxminən 40 milyon avro və əlavə bonuslar hazırlayır. Perspektivli müdafiəçinin dəyərini “transfermarkt” portalı 14 milyon avro qiymətləndirib.

Reis son Braziliya çempionatında 18 oyun keçirib, 1 qol vurub. Ona əvvəllər “Real”, “Barselona”, “Arsenal”, “İnter” və digər top-klublar maraq göstərirdi.