“Mançester Siti”nin keçmiş futbolçusu “Turan Tovuz”da – Rəsmi

“Turan Tovuz” klubu heyətini yeni futbolçu ilə gücləndirib.

Komanda.az kluba istinadən xəbər verir ki, qərb təmsilçisi qanalı yarımmüdafiəçi Divayn Naanı transfer edib.

27 yaşlı oyunçu ilə 3 ay+1 il müddətinə rəsmi müqavilə imzalanıb. O, yeni komandasında 24 nömrəli formanı geyinəcək.

Divayn Naa daha əvvəl İngiltərənin “Mançester Siti”, Norveçin “Strömqodset”, Niderlandın “Breda”, Danimarkanın “Norşellan”, Osveçin “Örebro” (İsveç), Belçikanın “Tubiz”, İsrailin “Hapoel” (Raanana) və Maltanın “Mosta” komandalarının formasını geyinib. Onun son klubu Litva “Jalgiris”i olub.