“Çempion olmaq istəyən komanda 90 xal toplamalıdır” – Qvardiola

“Mançester Siti”nin baş məşqçisi Xosep Qvardiola Premyer Liqadakı çempionluq yarışı haqda danışıb.

Komanda.az xəbər verir ki, ispan mütəxəssis, çempionluq üçün 90 xala ehtiyaclarının olduğunu deyib:

“Çempion olmaq istəyən komanda çoxlu oyun qazanmalıdır və 90 xal toplamalıdır. Ötən mövsümü koronavirusa görə azarkeşsiz keçirdik. Bütün komandalar üçün çətin mövsüm keçmişdi.

Son olaraq “Vulverhempton”u məğlub etdik. Rəqibimiz turnir cədvəlində üst pillələrə yaxın yerdə qərarlaşır. İndi növbədə “Lids”lə oyun var. Mən sadəcə bu komanda ilə oyunu düşünürəm. Eyni vaxtda çox oyun haqda düşünsək, bu, xal itkimizə səbəb ola bilər”.

“Mançester Siti” Premyer Liqada 38 xalla liderdir.