Mahirli “Dinamo”dan inamlı qələbə

Futbol üzrə Xorvatiya çempionatında 29-cu turun oyunları keçirilib.

Komanda.az xəbər verir ki, Azərbaycan millisinin hücumçusu Mahir Emrelinin formasını geyindiyi Zaqreb “Dinamo”su da növbəti matçına çıxıb.

Sözügedən kollektiv doğma meydanda “Draqovolyaç” ilə qarşılaşıb. Futbolçumuzun komandası oyundan 2:0 hesablı qələbəsi ilə ayrılıb.

Mahir də bu görüşün iştirakçısı olub. O, 70-ci dəqiqədə meydana buraxılıb.

Bu nəticədən sonra xalını 60-a çatdıran “Dinamo” vahid liderdir.