“Mənim futbol fəlsəfəm oyunçulara uyğunlaşır” – Ançelotti

“Real”ın baş məşqçisi Karlo Ançelotti Çempionlar Liqasının yarımfinalında “Bayern”lə cavab oyunu öncəsi komandası haqda danışıb.

Komanda.az “Marca”-ya istinadən xəbər verir ki, o, komandasının necə görünməyini istədiyini söyləyib:

“Mənim futbol fəlsəfəm oyunçulara uyğunlaşır. Mən komandanın yalnız bir şəxsiyyətə sahib olmasını istəmirəm”.

Çempionlar Liqasının yarımfinal mərhələsinin “Real”la “Bayern” arasında cavab oyunu mayın 8-də Madriddəki “Santyaqo Bernabeu” stadionunda keçiriləcək. İlk görüş heç-heçə başa çatıb (2:2).