Klopp: “Növbəti matçda da belə oynasaq, böyük fərq yaradacağıq”

“Liverpul”un baş məşqçisi Yurgen Klopp Çempionlar Liqasında “Leyptsiq”i məğlub etdikləri matçdan sonra fikirlərini bildirib.

Komanda.az xarici mətbuata istinadən xəbər verir ki, alman mütəxəssis, Çempionlar Liqasını qazanmaq istədiklərini bildirib:

“Çempionlar Liqasında iştirak etməyin tək səbəbi bu turniri qazanmaq istəyidir. Bu oyunda sərgilədiyimiz performans çox önəmli idi və çox yaxşı idik. Çox xoşbəxtəm.

“Leyptsiq” bir canavar kimidir. İki oyunda da yaxşı müdafiə oluna bildik, qol buraxmadıq. Uşaqlar bu matçda əylənərək oynadılar. Növbəti matçda da belə oynasaq, böyük fərq yaradacağıq”.

“Liverpul” hər iki matçda “Leyptsiq”i 2:0 hesabıyla məğlub edərək, Çempionlar Liqasında 1/4 final mərhələsinə vəsiqə qazanıb.