“Qollar möhtəşəm idi, amma oyundan razı deyiləm”

“Liverpul”un baş məşqçisi Yurgen Klopp Çempionlar Liqasında “Genk”i (Belçika) məğlub etdikləri oyundan sonra fikirlərini bildirib.

Komanda.az xarici mətbuata istinadən xəbər verir ki, alman mütəxəssis, 4:1 hesabıyla qələbə qazandıqları oyunu belə şərh edib:

“Oyuna yaxşı başladıq, ancaq sonra ciddi düşüş yaşadıq. Vurduğumuz qollar möhtəşəm idi, amma oyundan razı deyiləm. Yenə də, qazandığımız üçün xoşbəxtəm.

Oyunumuzu daha da inkişaf etdirməliyik. İlk hissədə ciddi səhvlər etdik. “Genk”i də təbrik edirəm, yaxşı oyun sərgilədilər”.