“Liverpul” yeni baş məşqçi ilə 3 illik müqavilə imzalayacaq

“Sportinq”in baş məşqçisi Ruben Amorim “Liverpul”da Yurgen Kloppun yerinə keçəcək.

Komanda.az xarici KİV-ə istinadən xəbər verir ki, İngiltərə klubu portuqaliyalı mütəxəssislə müqaviləni razılaşdırıb. Tərəflər arasında 3 illik müqavilə imzalanacaq.

“Liverpul” indi “Sportinq”lə razılığa gəlməlidir. Amorim və Portuqaliya klubu arasında mövcud müqavilə 2026-cı ilə qədərdir. “Liverpul” razılığa gəlmək üçün təzminat ödəməli olacaq.

Klopp 2015-ci ildən “Liverpul”u çalışdırır. Almaniyalı məşqçi bu mövsümün sonunda klubu tərk edəcək.