“Tottenhem” “Ayaks”ı son dəqiqədə devirdi

Bu gün Çempionlar Liqasında 1/2 final mərhələsinə yekun vurulub.

Komanda.az xəbər verir ki, ilk oyun günündə bir qarşılaşma keçirilib. “Liverpul” doğma azarkeşləri qarşısında “Barselona”nı qəbul edib. İlk oyunda 0:3 hesabıyla məğlub olan “Liverpul”, finala vəsiqə qazanmaq üçün ən azı 4 top fərqi ilə qələbə qazanmalıydı.

“Liverpul”un heyətində Nabi Keyta, Məhəmməd Salah və Roberto Firmino zədə səbəbindən “Barselona” qarşısında forma geyinməyib. Kataloniya təmsilçisində isə zədəli Osman Dembele, sözügedən qarşılaşmada iştirak etməyib.

Oyuna gəlincə, ciddi itkilərə baxmayaraq, “Liverpul” 4 cavabsız qol vurmaqla inanılmaz geridönüşə imza atıb və finala vəsiqə qazanıb.

Çempionlar Liqasının 1/2 final mərhələsinin digər oyunu bu gün keçirilib. “Tottenhem” səfərdə “Ayaks”la qarşılaşıb. “Ayaks”da ciddi itki yox idi. Amma matç öncəsində hətta start heyətdə də yer alan David Neres son anda zədələndiyi üçün meydana çıxa bilməyib. “Tottenhem”də isə Harri Keyn zədə səbəbindən bu görüşün iştirakçısı olmayıb. Komandalar arasındakı ilk oyunda “Ayaks” minimal hesablı qələbə qazanmışdı. Hollandiya təmsilçisi cavab matçına da inamlı başlayıb və ardıcıl iki qol vurub. Lakin “Tottenhem” ikinci hissədə buraxılan topların əvəzini çıxmağa nail olub. Nəticədə, Mouranın het-triki İngiltərə təmsilçisini finala daşıyıb.

Çempionlar Liqası, 1/2 final mərhələsi, cavab oyunları

8 may

Ayaks (Hollandiya) – Tottenhem (İngiltərə) 2:3
Qol: De Liqt, 5. Ziyex, 35 – Moura, 55; 59; 90+6.
Baş hakim: Feliks Brix (Almaniya)
İlk oyun – 1:0.

Ayaks: Onana, De Liqt (k), Van de Bek, Dolberq, Tadiç, Mazraoui, Blind, Şöne, De Yonq, Ziyex, Talyafiko.
Ehtiyat oyunçular: Varela, Veltman, Sinkqraven, Huntelar, Maqallan, Traore, De Vit.

Tottenhem: Loris (k), Trippye, Rouz, Alderveyreld, Vertongen, Son, Vanyama, Sissoko, Alli, Eriksen, Moura.
Ehtiyat oyunçular: Qazzaniqa, Lamela, Dayer, Lorente, Foyt, Deyvis, Skipp.

______________________________________________________________________________

7 may

Liverpul (İngiltərə) – Barselona (İspaniya) 4:0
Qol: Oriqi, 7; 79. Veynaldum, 54; 56.
Baş hakim: Cüneyt Çakır (Türkiyə)
İlk oyun – 0:3.

Liverpul: Alisson, Fabinyo, Van Dayk, Milner, Mane, Henderson (k), Şakiri, Robertson, Oriqi, Matip, Aleksander-Arnold.
Ehtiyat oyunçular: Minolye, Veynaldum, Lovren, Qomes, Starric, Brouster, Vudburn.

Barselona: Ter Ştegen, Pike, Rakitiç, Buskets, Koutinyo, Luis Suares, Messi (k), Lanqle, Alba, Serxi Roberto, Vidal.
Ehtiyat oyunçular: Sillessen, Semedo, Artur, Malkom, Umtiti, Vermaelen, Alena.