“Beşiktaş” darmadağınla uduzdu

Futbol üzrə Türkiyə Super Liqasında 34-cü tura yekun vurulub.

Komanda.az xəbər verir ki, ilk oyun günündə bir qarşılaşma baş tutub. Autsayderlər qrupunda yer alan “Rizəspor” “Fənərbaxça” ilə qarşılaşıb. İstanbul təmsilçisi səfərdə 6 cavabsız qolla qalib gəlib.

Şənbə günü daha üç qarşılaşma baş tutub. “Fatih Karagümrük” doğma meydanda “Girəsunspor”u çətinliklə məğlub edib. “Qaziantep” – “Göztəpə” matçında qalib müəyyənləşməyib. Bu nəticədən sonra İzmir təmsilçisinin Super Liqanı tərk etməsi də rəsmiləşib.

Lider “Trabzonspor” isə səfərdə “Adana Dəmirspor”la qarşılaşıb. Trabzonlular bu oyundan inamlı qələbə ilə ayrılıblar. Artıq Super Liqanın liderinə çempionluğu rəsmiləşdirmək üçün cəmi 1 xal lazımdır.

Bazar günü dörd qarşılaşma baş tutub. “Antalyaspor” – “Kayserispor” matçında tərəflər hərəyə 1 qol və 1 xalla kifayətləniblər. Beş qolun qeydə alındığı “Yeni Malatyaspor” – “Konyaspor” matçında qonaqlar qələbə qazanıblar. “Başakşəhər” doğma meydanda “Hatayspor”u darmadağın edib. Səfərdə “Altay”la qarşılaşan “Qalatasaray” isə 3 xalı tək qolla qazanıb.

“Beşiktaş” doğma meydanda “Kasımpaşa” ilə qarşılaşıb və 3 cavabsız qola uduzub. “Sivasspor” isə evdə “Alanyaspor”u minimal hesabla üstələyib.

Türkiyə Super Liqası, 34-cü tur

22 aprel

Rizəspor – Fənərbaxça 0:6
Qol: D.Rossi, 9. S.Dursun, 45+3; 45+9-pen; 51. Valensiya, 65. Sanqare, 76.

23 aprel

Fatih Karagümrük – Girəsunspor 2:1
Qol: Peşiç, 52-pen. C.Durmaz, 65 – Çikinyo, 48.

Qaziantep – Göztəpə 1:1
Qol: Fiqeyredo, 90+6 – Yahoviç, 90+2.

Adana Dəmirspor – Trabzonspor 1:3
Qol: Varqas, 75 – B.Peres, 7. Kornelius, 12. Djanini, 61.

24 aprel

Yeni Malatyaspor – Konyaspor 2:3
Qol: Tette, 47. Dikko, 63 – A.Bardakçı, 7. Koka, 37. Şkubiç, 59.

Başakşəhər – Hatayspor 3:0
Qol: D.Türüç, 65; 88. M.Təkdəmir, 77.

Altay – Qalatasaray 0:1
Qol: K.Aktürkoğlu, 8.

Antalyaspor – Kayserispor 1:1
Qol: Rayt, 56 – Attamah, 52.

25 aprel

Beşiktaş – Kasımpaşa 0:3
Qol: Muleka, 28; 82. Ouanes, 45+1.

Sivasspor – Alanyaspor 1:0
Qol: Fajr, 52-pen.