“Kvaratsxeliya “Real” və “Barselona” kimi komandalarda oynaya bilər”

Rusiyanın “Fakel” klubunun gürcü yarımmüdafiəçisi İrakli Kvekveskiri “Napoli”nin və Gürcüstan millisinin futbolçusu Xviça Kvaratsxeliya haqda danışıb.

Komanda.az “RB Sport”-a istinadən xəbər verir ki, “Fakel”in yarımmüdafiəçisi həmyerlisinin əqli cəhətdən güclü olduğunu və heç bir şeyə qapılmadığını bildirib:

“Deyirlər ki, onunla “Barselona” və “Real” maraqlanır? Xviça keçən il göstərdi və indi də göstərir ki, belə komandalarda oynaya bilər. Əsas odur ki, o, əqli cəhətdən güclüdür, heç bir şeyə qapılmır, maraqlı oğlandır. O, kənardan belə görünür, nizam-intizamı pozmur – ən vacibi budur”.

Kvaratsxeliya 2022-ci ilin yayından “Napoli”də çıxış edir. Futbolçu bu mövsüm bütün turnirlərdə 36 oyun keçirib, 10 qol vurub və 5 məhsuldar ötürmə edib. Onun klubu ilə müqaviləsi 2027-ci ilin iyunun sonuna kimi qüvvədədir.