“Barselona”nın futbolçusu “qızıl top” mərasiminə qatılmayan “Real”ı tənqid etdi

“Barselona”nın müdafiəçisi Pau Kubarsi “Real” təmsilçilərinin “qızıl top” mərasiminə qatılmamaq qərarına münasibət bildirib.

Komanda.az RAC1-ə istinadən xəbər verir ki, 17 yaşlı ispaniyalı futbolçu, Dani Olmo ilə birlikdə oraya heç bir mükafat tələb etmədən getdiklərini söyləyib:

“Real”ın mərasimdə iştirak etməməsi? Olmo və mən oraya heç bir mükafat tələb etmədən getdik. Biz orada olmaq istəyirdik, bu, hər bir futbolçu üçün vacib məqamdır. Qalib olmasan belə, ilk 10-luq və ya ilk 20-liyə düşmək də yaxşı nailiyyətdir”.

“Kral klubu” mükafatın Vinisius Juniora verilməli olduğuna inanırdı. “Mançester Siti”dən Rodri Hernandesin qalib olacağını öyrənən “Real” tədbirə qatılmaqdan imtina edib.