Konfrans Liqası: Kiprdə heç-heçə, Belçikada darmadağın

Avropa Konfrans Liqasında 3-cü təsnifat mərhələsinə start verilib.

Komanda.az xəbər verir ki, ilk oyun günündə 2 görüş baş tutub.

AEK Larnakada “Makkabi”ni (Təl-Əviv) sınağa çəkib. Bu oyunda qalib müəyyənləşməyib. Günün digər matçı isə “Gent”lə “Poqon” arasında keçirilib. Belçika təmsilçisi doğma meydanda darmadağına sevinib.

Azərbaycan təmsilçilərindən “Sabah”la “Neftçi” növbəti matçlarına sabah çıxacaqlar. Onlar doğma meydanda müvafiq olaraq Serbiya “Partizan”ı və Türkiyə nəhəngi “Beşiktaş”la qarşılaşacaqlar.

Avropa Konfrans Liqası
3-cü təsnifat mərhələsinin ilk oyunları
9 avqust

AEK (Larnaka, Kipr) – “Makkabi” (Təl-Əviv, İsrail) 1:1

“Gent” (Belçika) – “Poqon” (Polşa) 5:0