Konfrans Liqası: 3 oyuna 2 qol

Avropa Konfrans Liqasında 2-ci təsnifat mərhələsinin ilk oyunları keçirilir.

Komanda.az xəbər verir ki, bu gün daha üç qarşılaşma baş tutub.

“Botev” Bolqarıstanda qarşılaşdığı Kipr APOEL-i ilə ev oyunundan qolsuz heç-heçə ilə ayrılıb. “Sutyeska” (Monteneqro) ilə “Klaksvik”in (Farer adaları) görüşündə də qapılara qol vurulmayıb. Farer adalarının digər təmsilçisi “Vikinqur” isə evdə Slovakiya təmsilçisi “Dunayska Streda”ya 2 cavabsız qolla uduzub.

Bu mərhələnin qalan oyunları iyulun 21-də keçiriləcək. Cavab matçları isə ayın 26-28-i aralığında baş tutacaq.

Avropa Konfrans Liqası
2-ci təsnifat mərhələsinin ilk oyunları
19 iyul

Hibernians (Malta) – Levadiya (Estoniya) 3:2
Tirana (Albaniya) – Zrinski (Bosniya və Herseqovina) 0:1
La Fiorita (San-Marino) – Ballkani (Kosovo) 0:4

20 iyul

Botev (Bolqarıstan) – APOEL (Kipr) 0:0
Vikinqur (Farer adaları) – Dunayska Streda (Slovakiya) 0:2
Sutyeska (Monteneqro) – Klaksvik (Farer adaları) 0:0