“Klub hər şey edir ki, fanatlar narazı qalmasın” – Qurban Qurbanov

“Klub tərəfindən hansısa çatışmazlıq olubsa, azarkeşlər üzrlü saysınlar”.

Komanda.az xəbər verir ki, bu sözləri “Qarabağ”ın baş məşqçisi Qurban Qurbanov Çexiya “Viktoriya”sına qarşı keçirəcəkləri UEFA Çempionlar Liqasının pley-off mərhələsinin cavab oyunundan əvvəl təşkil olunan mətbuat konfransında deyib.

Qurbanov, oyunun biletləri satışa çıxan zaman baş verən texniki problemə münasibət bildirib:

“Klub hər şey edir ki, fanatlar narazı qalmasın. Təəssüflər olsun ki, stadionda yalnız 28-30 min azarkeş olur”.

Baş məşqçi azarkeşlərin oyuna maraq göstərməsinə sevindiyini deyib:

“Azərbaycanda futbola maraq artıb. Bizdə futbolu sevirlər və azarkeşlər var. Sadəcə, onları küsdürmək olmaz. Fanatların futbola olan sevgisini görürük. İşimizi elə qurmalıyıq ki, sevgi davam etsin. Azarkeşləri alqışlayıram, bizə olan inamlarını göstərirlər. Baş verənlərə narazılıq deməzdim. İstərdim ki, fanatların hamısı stadionda olsun. İnanıram ki, gələcəkdə futbolumuz və çempionatımız daha yaxşı səviyyəyə çatacaq”.

Mehri Qurban

Bizi Telegramda izləyin