Kloppdan Mançester derbisi ilə bağlı açıqlama

“Liverpul”un baş məşqçisi Yurgen Klopp çempionluq yarışındakı əsas rəqibləri – “Mançester Siti”nin “Mançester Yunayted”lə keçirəcəyi derbi oyunu ilə bağlı açıqlama verib.

Komanda.az İngiltərə mətbuatına istinadən xəbər verir ki, alman mütəxəssis, “qırmızı şeytanlar”ın “şəhərlilər”lə oyunda uğurlu nəticə əldə edəcəyinə inanmadığını deyib:

“Mançester derbisi bizim təsir edə biləcəyimiz bir şey deyil. Üstəlik, “Mançester Yunayted”in bu derbidəki nəticəyə təsir edə biləcəyi çox çətin görünür. Derbi çətin bir oyundur. Bizim “Mançester Yunayted”lə oyunumuz 0:0 hesabı ilə başa çatmışdı. Bəlkə də, yenə onlar üçün uğurlu nəticə qeydə alınacaq və matç 0:0 bitəcək. Amma biz heç bir halda oyuna təsir edə bilmərik. Qarşıda daha çox oyun olacaq”.

“Mançester Siti”dən bir oyun çox keçirən “Liverpul” 35 matçdan sonra 88 xalla turnir cədvəlinin ilk pilləsində qərarlaşıb.

“Mançester Yunayted” – “Mançester Siti” matçı aprelin 24-də, saat 23:00-da start götürəcək.