Klopp: “Qələbəyə layiq olmaq üçün kifayət qədər yaxşı idik”

“Liverpul”un baş məşqçisi Yurgen Klopp Çempionlar Liqasında “İnter”i 2:0 hesabı ilə məğlub etdikləri oyundan sonra açıqlama verib.

Komanda.az xarici mətbuata istinadən xəbər verir ki, alman mütəxəssis iki möhtəşəm qol vurmaqla qələbə qazandıqlarını deyib:

“Nəticə əldə etmək üçün bir yol tapmalı idik. Fikrimcə, matça yaxşı başladıq. Amma çox yaxşı müdafiə oluna bilmədik. Belə olmamalıdır.

Belə bir oyunda topu daha uzun müddət özündə saxlamaq lazımdır və bu, nadir hallarda baş verirdi. Parlaq bir gün keçirmədik, amma qələbəyə layiq olmaq üçün kifayət qədər yaxşı idik. İki möhtəşəm qol vurduq. “İnter”in də qol vurmaq üçün şansları var idi”.