Oyundan razı, nəticədən narazı Klopp

Çempionlar Liqasının yarımfinal mərhələsinin ilk oyunları çərçivəsində səfərdə “Barselona”ya 0:3 hesabı ilə məğlub olan “Liverpul”un baş məşqçisi Yurgen Klopp matçdan sonra açıqlama verib.

Komanda.az İngiltərə mətbuatına istinadən xəbər verir ki, alman mütəxəssis, oyundan razı qaldığını deyib:

“Futbol belə bir şeydir, hər şey vurulan qollarla əlaqəlidir. Üç qolu birdən vurdular, biz isə heç qol vura bilmədik. Rəqibin göstərdiyi oyun möhtəşəm idi. Bizim futbolçularımız da yaxşı oynadılar. Qollarla bağlı danışmaq asandır, amma biz də çox yaxşı epizodlar yaradıb, rəqibə problemlər yaşatdıq. Bundan daha yaxşı oynaya bilərdikmi, bilmirəm. Oyundan razıyam, nəticədən isə yox”.

51 yaşlı mütəxəssis, bu oyunu geridə qoymağın vacib olduğunu deyib:

“Artıq 0:3 hesabı ilə geridəyik. Bundan sonra toparlanıb, “Nyukasl”la oyuna hazırlaşacağıq. Bu oyun artıq bitdi, hər nə desək də, hesab dəyişməyəcək. “Barselona” ilə bir dəfə də qarşılaşacağıq. Nələr olacağını görəcəyik”.