Klopp: “Meydana məğlubiyyət xatirinə çıxmamışdıq”

“Liverpul”un baş məşqçisi Jurgen Klopp UEFA Çempionlar Liqasında “İnter”ə uduzduqları oyundan (0:1) sonra açıqlama verib.

Komanda.az “BT Sport”a istinadən xəbər verir ki, alman mütəxəssis, küləyin oyuna təsirindən də danışıb:

“Bu oyunda qarşılaşdığımız problemləri gözləyirdim. “İnter” həqiqətən də yaxşı komandadır. Onlar belə matçlarda oynamağa hazırdırlar.

Daha yaxşı çıxış edə bilərdik. Oyun həqiqətən maraqlı alındı. Uduzduq və bu, ürəkaçan deyil. Çünki meydana məğlubiyyət xatirinə çıxmamışdıq.

Rəqib bizə problemlər yaratdı, amma şanslarımızdan istifadə etsəydik, qalib gələcəkdik. Çox vaxt sadə vəziyyətlərdə top itirirdik. Top havaya qalxanda külək səbəbindən əsl komediya başlayırdı”.

“Liverpul” iki oyunun nəticəsinə görə (2:0, 0:1) Çempionlar Liqasının 1/4 final mərhələsinə vəsiqə qazanıb.