Klopp: “İlk saniyədən qələbəyə həvəsli idik”

“Liverpul”un baş məşqçisi Yurgen Klopp İngiltər Premyer Liqasında 30-cu turdan təxirə salınmış oyunda “Mançester Yunayted” üzərində 4:0 hesablı qələbəni şərh edib.

Komanda.az İngiltərə mətbuatına istinadən xəbər verir ki, alman baş məşqçi, rəqibin qapısına daha çox qol vurmaq imkanlarının olduğunu deyib:

“İkinci hissədə rəqibin oyunu bir qədər dəyişdi, fərqli şəkildə pressinq etməyə başladı. Ancaq komandamızın həqiqətən yaxşı olduğu şey dəyişikliklərə uyğunlaşmasıdır.

Oyunun qalan hissəsini izləmək əyləncəli idi. İlk saniyədən qələbəyə həvəsli idik. Futbolçularımız daha çox qol vura bilərdilər”.