“Atalanta” ilə matçda sərgilədiyimiz futbolun keyfiyyəti qat-qat aşağı idi” – Klopp

“Liverpul”un baş məşqçisi Yurgen Klopp Avropa Liqasında “Atalanta”ya son məğlubiyyəti (0:3) Çempionlar Liqasının pley-off mərhələsində “Barselona”ya eyni hesablı məğlubiyyətlə müqayisə edib.

Komanda.az klubun mətbuat xidmətinə istinadən xəbər verir ki, alman çalışdırıcı bu matçlar arasında oxşarlığın yalnız hesabda olduğunu bildirib:

“Bu matçlar arasında oxşarlıqlar varmı? Yalnız hesabda. “Barselona” ilə yaxşı oynamışdıq, amma məğlub olmuşduq. “Atalanta” ilə oyuna gəlincə, bu matçda sərgilədiyimiz futbolun keyfiyyəti qat-qat aşağı idi. “Barselona” ilə səfərdə, burda isə evdə uduzduq. Bu, böyük fərqdir”.

“Atalanta” ilə “Liverpul” arasında cavab qarşılaşması bu gün İtaliyada keçiriləcək.