Keçmiş futbolçu Messi ilə Ronaldonun nəticələrini müqayisə etdi

İngiltərə millisinin sabiq futbolçusu Qari Lineker PSJ-nin hücumçusu Lionel Messi ilə “Mançester Yunayted”in forvardı Kriştiano Ronaldonun nəticələrini müqayisə edib.

Komanda.az xəbər verir ki, keçmiş futbolçu sosial şəbəkə hesabında belə yazıb:

“Messi 150 oyun az keçirərək 672 qolla Ronaldonu qabaqlayır. Bu ikisinin inanılmaz performansı var”.

Messi penaltilər istisna olmaqla, 672-ci qolunu vurub. 34 yaşlı argentinalı bu göstəricidə Ronaldonun rekordunu qırıb. Portuqaliyalının hesabında penaltisiz 671 qol var.