İtən “Liverpul” azarkeşi tapıldı

Çempionlar Liqasının Madriddə keçirilən “Liverpul”la “Tottenhem” arasındakı final matçından (2:0) sonra “Liverpul”un bir azarkeşinin itkin düşdüyünü xəbər vermişdik.

Komanda.az xəbər verir ki, Makauli Neus adlı azarkeş tapılıb. Bu barədə İngiltərə mətbuatı məlumat yayıb.

23 yaşlı gənc, azarkeşlərlə birlikdə çempionluğu qeyd etdikdən sonra polislər tərəfindən küçədə sərxoş halda tapılıb. Daha sonra polisə müqavimət göstərən Neus, mühafizə orqanları tərəfindən saxlanılıb.

Neusun artıq atası ilə görüşdüyü bildirilib.