“İstedad baxımından dünyada belə bir futbolçu yoxdur”

“Barselona”nın baş məşqçisi Xavi komandanın yarımmüdafiəçisi Pedrinin La Liqanın 25-ci turunun “Valensiya” ilə matçındakı çıxışını dəyərləndirib.

Komanda.az “Mundo Deportivo”ya istinadən xəbər verir ki, Xavi, Pedrini tərifləyib:

“Həqiqətən, o, komandamız üçün əlamətdar bir rol oynayır. Pedri əla futbolçudur. İstedad baxımından dünyada belə bir futbolçu yoxdur”.

“Barselona” “Valensiya”nı 4:1 hesabı ilə məğlub edib. Qollardan birini Pedri vurub.