“Beşiktaş” futbolçusunu Qətər klubuna satdı

“Beşiktaş” mərakeşli müdafiəçi Romen Saisslə yollarını ayırıb.

Komanda.az klubun rəsmi saytına istinadən xəbər verir ki, “qara qartallar” 33 yaşlı müdafiəçini Qətərin “Əl-Sədd” klubuna satıb.

İstanbul təmsilçisi bu keçiddən 2,5 milyon avro gəlir əldə edib.

Saiss 2022-ci ildən “Beşiktaş”da çıxış edirdi. O, ötən il Mərakeş yığması ilə Qətərdəki dünya çempionatında iştirak etmişdi.