“Tariximiz qələbələr üzərində qurulub” – Ramos

İspaniyanın “Real” klubunun müdafiəçisi və kapitanı Serxio Ramos Çempionlar Liqasında mübarizəni dayandırmaları haqda fikirlərini bildirib.

Komanda.az xəbər verir ki, 35 yaşlı futbolçu “instagram” hesabında bunları qeyd edib:

“Məyusuq, ancaq hələ heç nə bitməyib. Tariximiz qələbələr üzərində qurulub. “Real” hər zaman məğlubiyyətlərdən sonra yüksəlib. La Liqada çempionluq şanslarımız qalır və qazanmaq niyyətindəyik”.

“Real” Çempionlar Liqasının yarımfinal mərhələsində “Çelsi” səddini keçə bilməyib (ilk oyun 1:1, cavab oyunu 0:2). “Kral klubu” La Liqada lider “Atletiko”dan 2 xal geri qalaraq, 2-ci sıradadır.