“İnter Mayami”dən açıqlama: Messi transfer olunduqdan sonra…

“İnter Mayami” klubu Lionel Messini transfer etdikdən sonra MLS-də cari mövsümün bütün oyunlarının biletlərinin satıldığını açıqlayıb.

Komanda.az xarici KİV-ə istinadən xəbər verir ki, bu səbəbdən, klub daha böyük stadionda çıxış etməyi düşünür.

Hazırda ABŞ təmsilçisi ev oyunlarını 18 min tamaşaçı tutumuna malik “Drive Pink Stadium”da keçirir.

Argentinalı futbolçu iyunun 7-də “İnter Mayami”yə keçdiyini elan edib. O, iyunun 3-də PSJ-ni tərk edib.

Messi 2022/23 mövsümündə PSJ-nin heyətində bütün turnirlər daxil olmaqla 41 oyuna çıxıb, 21 qol vurub və 20 məhsuldar ötürmə edib.