“İnter Mayami” ilə hər şeyin yaxşı olacağına əminəm” – Messi

Argentinalı hücumçu Lionel Messi “İnter Mayami”dəki təqdimatı zamanı açıqlama verib.

Komanda.az “Marca“-ya istinadən xəbər verir ki, o, yeni klubunda hər şeyin yaxşı olacağına əmin olduğunu deyib:

“Mayamidə olmaqdan şadam və klub üçün mübarizə aparmaq, onun daha da böyüməsinə kömək etmək arzusu ilə doluyam. Bizi həyəcanlı anlar gözləyir, bu klub üçün hər şeyimi verməyə hazıram!

Ailəmlə birlikdə bu şəhəri seçdiyimə görə şadam və “İnter Mayami” ilə hər şeyin yaxşı olacağına əminəm. Bu səyahətə başlamaq üçün səbirsizlənirəm!”

Messi “İnter Mayami”dən əvvəl Fransa PSJ-sinin formasını geyinib.