Dünyanın ən çox qazanan futbol klubları SİYAHI

İngiltərənin “Delloitte” şirkəti 2018/2019 mövsümündə ən çox gəlir əldə edən futbol klublarının siyahısını açıqlayıb.

Komanda.az xəbər verir ki, ilk sırada İspaniyanın “Barselona” klubu yer alıb. Kataloniya təmsilçisi ötən mövsümdə rekord məbləğ – 840,8 milyon avro gəlir əldə edib.

Siyahının 2-ci sırasında digər İspaniya klubu “Real”dır. Madrid təmsilçisi ötən mövsümdə 757,3 milyon avro qazanıb.

Üçüncü sırada isə 711,5 milyonluq gəlirlə “Mançester Yunayted” qərarlaşıb.

İlk “10-luq”

1. Barselona (İspaniya) – 840,8 milyon avro
2. Real (İspaniya) – 757,3 milyon
3. Mançester Yunayted (İngiltərə) – 711,5 milyon
4. Bavariya (Almaniya) – 660,1 milyon
5. PSJ (Fransa) – 635,9 milyon
6. Mançester Siti (İngiltərə) – 610,6 milyon
7. Liverpul (İngiltərə) – 604,7 milyon
8. Tottenhem (İngiltərə) – 521,1 milyon
9. Çelsi (İngiltərə) – 513,1 milyon
10. Yuventus (İtaliya) – 459,7 milyon