“Real”la “Barselona”nın hədəfi: İngiltərə millisinin üzvü

İngiltərə millisinin və “Kristal Pelas”ın müdafiəçisi Mark Quehi İspaniyanın iki top-klubunun maraq dairəsindədir.

Komanda.az “Todofichajes”-ə istinadən xəbər verir ki, “Barselona” 23 yaşlı futbolçu ilə maraqlanır. Lakin maliyyə çətinlikləri Kataloniya klubunun bu oyunçunu almasına mane ola bilər.

“Real” ingiltərili müdafiəçinin transferində daha iddialı hesab olunur. Quehinin transfer dəyəri 38 milyon avro olaraq qiymətləndirilir.

Quehi ilə klubu arasındakı müqavilə 2026-cı ilin yayına kimi nəzərdə tutulub. O, hazırda Avropa çempionatında İngiltərə millisində çıxış edir.