Kloppdan “Messini necə dayandıracaqsız” sualına cavab

Çempionlar Liqasının 1/4  final mərhələsinin cavab oyunları çərçivəsində səfərdə “Portu”nu 4:1 hesabı ilə məğlub edən “Liverpul”un baş məşqçisi Yurgen Klopp matçdan sonra açıqlama verib.

Komanda.az İngiltərə mətbuatına istinadən xəbər verir ki, alman mütəxəssis, turnirin yarımfinal mərhələsində qarşılaşacaqları “Barselona” haqqında danışıb:

“Bu mövsüm daha təcrübəli komandayıq. Keçən mövsüm “Mançester Siti” və “Roma” ilə oyunlarda işimiz çətin olmuşdu. Hazırda hər şey yolundadır.

Hazırlıq oyunları istisna olmaqla, ilk dəfə “Barselona” ilə qarşılaşacağıq. Bu oyunları səbirsizliklə gözləyirəm”.

51 yaşlı mütəxəssis, rəqibin hücumçusu Lionel Messini necə dayandıracaqları ilə bağlı suala belə cavab verib:

“Şükür ki, hazırda bunu düşünmək məcburiyyətində deyiləm. İndiyə qədər heç kim onu dayandıra bilməyib. Biz bunun üçün çalışacağıq”.