“İdman Azərbaycan”ın əməkdaşı şərhçilikdən uzaqlaşdırıldı – İrqçiliyə görə

İngiltərə Premyer Liqasının ilk turunda keçirilən və “İdman Azərbaycan” telekanalı vasitəsilə canlı yayımlanan “Mançester Yunayted” – “Çelsi” matçı zamanı irqçiliyə yol varən şərhçi İsmayıl Abdullayev bir ay müddətinə efirdən uzaqlaşdırılıb.

Komanda.az xəbər verir ki, bu barədə Abdullayev özü İnstaqram hesabında paylaşım edib:

“Gözünüz aydın! Bir ay müddətinə şərhlərdə olmayacam. Bilmirəm, qayıdacam, yoxsa yox”. (“Qafqazinfo”)

Həmin oyun zamanı şərhçilər Tərlan Şahinoğlu ilə İsmayıl Abdullayev arasında dialoq yaşanıb. Şahinoğlu “Çelsi”nin qaradərili futbolçusu Nqolo Kanteni nəzərdə tutaraq, “Kante geriyə qayıtdı, özünü oda atdı, amma yanmadı” deyib. İsmayıl Abdullayev isə cavabında “Yansaydı da, rəngində bir fərq olmayacaqdı” söyləyib.