“Həmin qarşılaşmada uduzsaq…” – Qvardiola

“Mançester Siti”nin baş məşqçisi Pep Qvardiola “Arsenal” haqda fikir bildirib.

Komanda.az “BBC Sport”-a istinadən xəbər verir ki, o, “topçular”ın qarşıdakı oyunlarda çox xal itirəcəyini zənn etmir:

“Arsenal” bu mövsüm inanılmaz dərəcədə uğurlu çıxış edir. Onların çox xal itirəcəyini düşünmürəm. Biz də qələbələr qazanmağa davam etməliyik.

“Topçular”la keçirəcəyimiz növbəti matç final görüşünə bərabər olacaq. Həmin qarşılaşmada uduzsaq, demək olar ki, çempionluq uğrunda yarış bizim üçün sona çatacaq.

“Arsenal”la xal fərqini azaltmalı olduğumuzu dərk edirik. Bunun nə qədər çətin olacağını da başa düşürük. Lakin bununla yanaşı, UEFA Çempionlar Liqasının yarımfinalına və İngiltərə Federasiya kubokunun finalına vəsiqə qazanmaq şansımız var”.

“Şəhərlilər” hazırda İngiltərə çempionatının turnir cədvəlində 70 xalla ikinci, London təmsilçisi isə 73 xalla birincidir.

“Mançester Siti” – “Arsenal” qarşılaşması aprelin 26-da baş tutacaq.