“Hazırda “Sabah” bizdən bir baş üstündür”

“Sabah”la matç bizim üçün böyük bir dərs olmalıdır”.

Komanda.az xəbər verir ki, bunu NTD-nin baş məşqçisi Tahir Baxşıyev Azərbaycan Basketbol Liqasının 4-cü turunda “Sabah”la qarşılaşmadan sonra klubun mətbuat xidmətinə açıqlamasında deyib.

Mütəxəssis rəqibin daha üstün olduğunu etiraf edib:

“Oyun haqqında danışılası çox şey yoxdur. Hazırda “Sabah” bizdən bir baş üstündür və oyun da bunu göstərdi. Düzgün nəticələr çıxarıb, dərs ala bilsək, inkişaf edəcəyik. Deyərdim ki, oyunun nəticəsini komandalar arasındakı səviyyə fərqi müəyyənləşdirdi”.

Abşeron Olimpiya İdman Kompleksində keçirilən “Sabah” – NTD görüşü meydan sahiblərinin qələbəsi ilə yekunlaşıb – 110:86.