Gənclər Ronaldodan məsləhət istəsələr…

“Mançester Yunayted”in hücumçusu Kriştiano Ronaldo klubun gənc futbolçularının perspektivlərindən danışıb.

Komanda.az “Mirror”-a istinadən xəbər verir ki, ulduz futbolçu gənclərə kömək etmək istədiyini deyib:

“Mən gənc nəslə imkanlar verməyimizin tərəfdarıyam, çünki onlar gələcəkdir. Onlara vaxt, imkan verməliyik və təzyiq olmadan normal böyümələrinə şərait yaratmalıyıq. Gənclər başa düşürlər ki, uğur qazanmaq üçün fədakarlıq etməli, çox çalışmalıdırlar.

Onlarda iş etikası, fədakarlıq olmalıdır. Əlbəttə, gənclər məndən məsləhət istəsələr, öz fikrimi bildirəcəm və məsləhət verəcəm. Çünki onlara kömək etmək istəyirəm”.

37 yaşlı portuqaliyalı hücumçu son mövsümdə vurduğu 24 qol və üç məhsuldar ötürmə ilə “Mançester Yunayted”in bütün turnirlərdə bombardiri olub.