“Görünür, “Mançester Siti” yenidən çempion olacaq” – Klopp

“Liverpul”un baş məşqçisi Yurgen Klopp “Mançester Siti”nin növbəti mövsümdə yenidən İngiltərə çempionu olacağına inanır.

Komanda.az “Sky Sports”-a istinadən xəbər verir ki, 55 yaşlı almaniyalı mütəxəssis, əsas məqsədlərinin Çempionlar Liqasına vəsiqə qazanmaq olduğunu deyib:

“Həmişə olduğu kimi, əsas məqsədimiz Çempionlar Liqasına düşməkdir. Bu, artıq kifayət qədər çətindir. Buna nail olduqda və titul üçün mübarizə aparmaq üçün hələ vaxtınız olduqda, yalnız bundan sonra çempionluq barədə düşünməyə başlayırsız. Amma mövsümün çox hissəsini Çempionlar Liqası uğrunda mübarizə aparırsan.

Böyük mübarizə olacaq (Premyer Liqanın çempionu olmaq uğrunda), aman Allah. Bura İngiltərədir… Görünür, “Mançester Siti” yenidən çempion olacaq. Ancaq bizim məqsədimiz ən yaxşı mövsümü keçirməkdir. Həqiqətən, bunu səbirsizliklə gözləyirəm”.

“Liverpul” ötən mövsüm İngiltərə Premyer Liqasının qızıl medalları uğrunda son tura qədər “Mançester Siti” ilə mübarizə aparmışdı. Nəticədə, “şəhərlilər” mersisaydlıları 1 xalla qabaqlayaraq, çempion olmuşdular.

Bizi Telegramda izləyin