Çempionlar Liqası: “Araz”ın rəqibləri bilindi

Futzal üzrə UEFA Çempionlar Liqasında ilkin mərhələnin püşkü atılıb.

Komanda.az UEFA-nın saytına istinadən xəbər verir ki, Azərbaycanın “Araz” (Naxçıvan) klubunun da rəqibləri bəlli olub.

“Araz” F qrupunda “Raba” (Latviya), “Kampuksen Dinamo” (Finlandiya) və “Europa” (Cəbəllütariq) komandaları ilə üz-üzə gələcək. Bu qrupun oyunları Latviyada keçiriləcək.

İlkin mərhələnin oyunlarına 8 ölkə ev sahibliyi edir. Avqustun 20-dən 25-dək keçiriləcək oyunlar Almaniya, İsveçrə, Şimali Makedoniya, Yunanıstan, Estoniya, Latviya, Albaniya və Monteneqroda təşkil ediləcək.